මේ වන විටත් මෙම කණ්ඩායම් 02කම තරගාවලියේ අවසන් තරගයට සුදුසුකම් ලබා තිබෙනවා.  තරගාවලිය යටතේ ‍‍ඊයේ  (09) පැවති තරගයෙන් ඇෆ්ගනිස්තානය පරදා ලකුණු 101 ක ජයක් වාර්තා කිරීමට ඉන්දියාව සමත් වුණා. තරගය පැවැත්වුණේ, ඩුබායි හිදී.

පළමුවෙන් පන්දුවට පහර දුන් ඉන්දියාව පන්දුවාර 20 ඇතුළත කඩුලු 2 ක් දැවී ලකුණු 212 ක් රැස් කළා. විශිෂ්ට පිතිහරඹයක නිරත වූ විරාත් කෝලි පන්දු 61 කදී නොදැවී ලබා ගත් ලකුණු සංඛ්‍යාව 122 ක්. ඔහුගේ ඉනිමට 4 පහර 12 ක් සහ 6 පහර 6 ක් ඇතුළත්. කේ එල් රාහුල් ලකුණු 62 යි.

පිළිතුරු ලෙස ඇෆ්ගනිස්තානයට පන්දුවාර 20 අවසානයේ කඩුලු 8 ක් දැවී රැස් කිරීමට හැකි වුණේ, ලකුණු 111 ක් පමණයි. ඊබ්‍රහීම් සාඩ්‍රන් නොදැවී ලකුණු 64 යි. පන්දු යැවීමේදී බුවනේෂ්වර් කුමාර් පන්දු වාර 4 කදී ලකුණු 4 කට කඩුලු 5 ක් දවා ගත්තා.