ඒ, ජපාන කණ්ඩායම පරාජය කරමින්.  

තරගය පැවැත්වුණේ, අබුඩාබි හි අයි සී සී ඇකඩමි ක්‍රිකට් ක්‍රීඩාංගනයේදී. පළමුවෙන් පන්දුවට පහර දුන් ජපාන කණ්ඩායම පන්දුවාර 30 යි පන්දු 3 කදී සියලු ක්‍රීඩකයින් දැවී ලකුණු 75 ක් රැස් කළා. චාල්ස් හින්සේ ලකුණු 36 යි.

පන්දු යැවීමේදී මල්ෂ තරුපති ලකුණු 26 ට කඩුලු 3 ක් දවා ගත්තා. අනතුරුව, ලකුණු 76 ක ඉලක්කයක් හඹා ගිය ශ්‍රී ලංකා කණ්ඩායම, පන්දුවාර 12 යි පන්දු දෙකකදී කඩුලු 3 ක් දැවී එම ඉලක්කයට ළඟා වුණා. සිනෙත් ජයවර්ධන නොදැවී ලකුණු 26 යි. පන්දු යැවීමේදී ජපාන ක්‍රීඩක කීෆර් ලේක් ලකුණු 27 කට කඩුලු 2 ක් බිඳ හෙලුවා. තරගයේ වීරයා මල්ෂ තරුපති.

මේ තරගාවලිය යටතේ ඊයේ තවත් තරගයක් පැවැත්වුණේ, බංග්ලාදේශ කණ්ඩායම සහ එක්සත් අරාබි එමීර් රාජ්‍ය කණ්ඩායම අතරයි. එහිදී, ලකුණු 61 ක ජයක් හිමි කරගැනීමට බංග්ලාදේශ කණ්ඩායම සමත් වුණා.

පළමුවෙන් පන්දුවට පහර දුන් බංග්ලාදේශය ක්‍රීඩකයින් පන්දුවාර 49 යි පන්දු 3 කදී සියලුදෙනා දැවී ලකුණු 228 ක් රැස් කළා. පිළිතුරු ලෙස එක්සත් අරාබි එමීර් රාජ්‍යය කණ්ඩායමට පන්දුවාර 47 යි පන්දු 4 කදී සියලු කීඩකයින් දැවී රැස් කර ගත හැකි වූයේ, ලකුණු 167 ක් පමණයි.