එය හැඳින්වූයේ “සුපර් බ්ලූ මූන්” හෙවත් “සුපිරි නිල් සඳ” නමින්. නිල් සඳ ලෙස හැඳින්වුවද මෙහිදී සඳෙහි වර්ණය වෙනස් නොවන අතර එලෙස හඳුන්වන්නේ එහි ඇති දුර්ලභ තත්ත්වය සැලකිල්ලට ගනිමින්.
ඊයෙ පෑයූ නිල් සඳ
අගෝ 31,
2023
2009 වසරෙන් පසු ප්‍රථම වරට ලෝකයට ඊයේ රාත්‍රියේ සුවිශේෂී දසුනක් දැකගැනීමට හැකි වුණා.
සුපිරි නිල් සඳක් ලෝකයට දිස්වන්නේ එක් මාසයකට පොහොය දින දෙකක් යෙදී තිබුණහොත් පමණයි.
එහිදී දෙවන පොහොය දිනයේ දිස්වන සඳ සුපිරි නිල් සඳ නමින් හඳුන්වනවා. එහි විශේෂත්වය වන්නේ වෙනදාට දකින සඳට වඩා මෙහි දීප්තිය සහ විශාලත්වය වැඩිවීමයි.
චන්ද්‍රයා තම කක්ෂයේ පෘථිවියට ආසන්නව සිටින විට පූර්ණ සඳක් ඇතිවීමේ ප්‍රතිඵලයක් ලෙස සාමාන්‍ය සඳට වඩා මෙම චන්ද්‍රයාගේ විශාලත්වය සියයට 14 කින් වැඩි වනවා.
එමෙන්ම එහි දීප්තිය ද සියයට 30 කින් පමණ වැඩිවන බවයි පැවසෙන්නේ. පුර පසළොස්වක පොහොය දිනවල සඳෙහි ප්‍රමාණය හා දීප්තිය මාසයකින් මාසයට වෙනස් වන්නේ පෘථිවිය වටා ඇති චන්ද්‍රයාගේ කක්ෂයේ ඉලිප්සාකාර හැඩය හේතුවෙන්.
පෘථිවිය වටා චන්ද්‍රයා ගමන් කරනුයේ වෘත්තාකාර මාර්ගයක නොව ඉලිප්සාකාර මගකයි.
එහිදී චන්ද්‍රයා පෘථිවියට ලගින්ම ගමන්කරන දිනයක දී පුරහදක් ඇතිවුවහොත් චන්ද්‍රයා සාමාන්‍ය දිනකට වඩා වඩා කිලෝ මීටර් 50,000 ක් පමණ ළංවනවා.
එබැවින් එය විශාලව හා වඩා දීප්තිමත්ව පෙනීම හේතුවෙන් එයට “සුපර් මූන්” හෙවත් සුපිරි සද යන නම භාවිතා කරනු ලබනවා.
