උදෑසන ජය ශ්‍රී මහා බෝධීන් වහන්සේ අබියසට පැමිණි අග්‍රාමාත්‍යතුමා අටමස්ථානාධිපති පූජ්‍ය පල්ලේගම සිරිනිවාස හිමියන් ද බැහැදැක ආශිර්වාද ලබා ගත්තේය.
අනතුරුව අග්‍රාමාත්‍යතුමා ඓතිහාසික සෝමාවතිය පුදබිමට ද ගොස් ආගමික වතාවත්වල නිරතවිය. එහිදී මහා සංඝරත්නය විෂයෙහි දන් පිළිගන්වනු ලැබුවේ ද අග්‍රාමාත්‍යතුමාගේ ප්‍රධානත්වයෙනි. වික්‍රමසිංහ මහතා අනතුරුව, සෝමාවති පුදබිමේ විහාරාධිපති පුජ්‍ය පහමුණේ සුමංගල හිමියන් බැහැදැක ආශිර්වාද ලබාගත්තේය. අමාත්‍ය පී හැරිසන් මහතා ඇතුළු ජනතා නියෝජිතයෝ පිරිසක් ද මේ අවස්ථාවට එක්ව සිටියහ.
