නොර්වුඩ් ජනපදයේ පදිංචි 26 හැවිරිදි එක්දරු මවක් දරු ප්‍රසුතියක් සිදු කර බිලිදා නිවස ආසන්නයේ තේ වත්තේ ඉලුක් වගාවක වල දමා ඇති බවට නොර්වුඩ් පොලිසියට ලද තොරතුරක් මත නොර්වුඩ් පොලිසිය විසින් මව සැකපිට අත්අඩංගුවට ගෙන දික්ඔය මුලික රෝහල වෙත ඇතුලත් කර ඇත.
සැකපිට අත්අඩංගුවට ගත් කාන්තාව අවිවාහක කාන්තාවක් බවත්, ඇයට පිරිමි දරුවෙකුද සිටින බවට පොලිසිය පැවසුවේ.
කාන්තාවගේ මව ගෘහසේවයට විදේශගත වි ඇති බවත්, පියා සමග නොර්වුඩ් ජනපදයේ සැකකාර කාන්තාව පදිංචිව සිටි බවයි, පොලිසිය පැවසුවේ.
අලුත උපන් බිලිදා වල දැමුවේ යැයි කියන ස්ථානය නොර්වුඩ් පොලිසිය විසින් හදුනාගෙන ඇති අතර, මුලික විමර්ෂණ අවසන් වීමෙන් අනතුරුව හැටන් දිසා විනිසුරු සහ මහෙස්ත්‍රාත්වරයාගේ ස්ථාන පරික්ෂාවෙන් පසු බිලිදු මල සිරුර ගොඩ ගන්නා බව නොර්වුඩ් පොලිසිය සඳහන් කරයි.
