ආදිත්‍ය පටබැඳිගේ, මංජුල තිලකරත්න සහ මහේන් වීරමන් යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේ මෙම නඩු විභාගය පැවැත්විණ. පසුගිය දින තුන තිස්සේ සිදු කෙරුණු වාචික දේශන ඉදිරිපත් ඉදිරිපත් කිරීම අද අවසන් කෙරුණ.

ඉන් අනතුරුව නඩුවට අදාළ ලිබිත දේශන මැයි මස 12 වන දා ඉදිරිපත් කරන ලෙසයි විනිසුරු මඩුල්ල පාර්ශවකරුවන්ට නියම කළේය. අනතුරුව නඩුවේ තීන්දුව මැයි මස 21 වන දා ප්‍රකාශයට පත් කරන බවද ත්‍රිපුද්ගල විනිසුරු මඩුල්ල නිවේදනය කළේය.

2012 වසරේ ගාලු වරායට ආසන්න බේරුවල මුහුදු තීරයේ එම්.වී. ඇවන්ගාඩ් නැමැති නෞකාව තුළ බලපත්‍ර නොමැතිව නීතිවිරෝධී ලෙස ජීව උණ්ඩ 203395 ක් සන්තකයේ තබාගැනීම, ප්‍රවාහනය කිරීම සම්බන්ධයෙන් ඇවන්ගාඩ් සමාගමේ සභාපති නිශ්ශංක යාපා සේනාධිපති ඇතුළු විත්තිකරුවන් අට දෙනකුට එරෙහිව නීතිපතිවරයා විසින් මෙම චෝදනා 19 ඉදිරිපත් කර තිබේ.