වැලිකඩ හා මහර බන්ධනාගාරයේ සිටි අපරාධකරුවන් 13 දෙනෙකු ඊයේ (25) බූස්සට මාරු කර යවා ඇති බව වාර්තාවේ. ප්‍රබල පාතාල අපරාධකරුවන් හා මත්කුඩු ජාවාරම්කරුවන් පමණක් දැඩි ආරක්ෂාව සහිතව බූස්ස බන්ධනාගාරය තුළ රැඳවීමට, ජනාධිපති හා අධිකරණ ඇමතිනියගේ උපදෙස් මත බන්ධනාගාර දෙපාර්තමේන්තුව තීරණය කර ඇත.

ජීවිතාන්ත සිරදඬුවම් විඳින ප්‍රබල මත්කුඩු ජාවාරම්කරුවෙකු වූ සුසෙයි, මරණ දඬුවම් නියමව සිටින වෝඩ් ප්ලේස් කුඩු සියාම් සහ වෙලේසුදාගේ ප්‍රධාන ගෝලයකු වන ගෞතන් යන අපරාධකරුවන් කිහිපදෙනෙකු ඒ අතර වන බව වාර්තාවේ. තවත් සිරකරුවන් පිරිසක් ඉදිරි දිනවලදී මාරු කර යැවීමට නියමිතය. විශේෂ සිරකුටි 15ක් දැනට මෙහි සඳහා සූදානම් කර ඇතැයිද බන්ධනාගාර මූලස්ථාන ප්‍රකාශකයා පැවසීය.