ඒ සඳහා පෞද්ගලික අංශයට අවස්ථාව ලබා දී ඇතැයි ඔහු කියා සිටියේය. පාර්ලිමේන්තු මන්ත්‍රී කනක හේරත් මහතා යොමු කළ වාචික ප්‍රශ්නයකට පිළිතුරු දෙමින් නියෝජ්‍ය අමාත්‍යවරයා මේ බව පැවසීය.
මෙමඟින් රජයට කිසිදු වියදමක් නැතැයි කී අමාත්‍යවරයා, දේශීය විදේශීය මඟීන්ට පහසුකම් සහිත වැසිකිළි සකස් කිරීමට කටයුතු කෙරෙන බවත් කියා සිටියේය. සංවර්ධනය කළ යුතු තත්ත්වයේ දුම්රිය ස්ථාන 134ක් පවතින බව ඔහු පෙන්වා දුනී. 2015 වසරේ සිට මේ දක්වා දුම්රිය ස්ථාන 58ක් සංවර්ධනය කර ඇතැයි අශෝඛ අබේසිහං මහතා පැවසීය. ඒ අනුව ඉදිරියේ දී දුම්රිය ස්ථාන 59ක් සංවර්ධනය කිරීමට නියමිත තිබේ.
