කාරක සභාව අද පස්වරුවේ රැස්වූ අවස්ථාවේදී මෙම තීරණය ගෙන ඇත.
ඒ අනුව ඇතැම් සාක්ෂි විමසීමේ දී මාධ්‍ය නොමැතිව සාක්ෂි සටහන් කිරීමට විශේෂ කාරක සභාව අද තීරණය කළ බව එහි සභාපති, නියෝජ්‍ය කතානායකවරයා ආනන්ද කුමාරසිරි සඳහන් කළේය. ජාතික ආරක්ෂාවට අදාල සහ ආරක්ෂක බුද්ධි අංශ නිලධාරීන් ගෙන් සාක්ෂි විමසීමේදී මාධ්‍ය නොමැතිව රහසිගතව රැස් වීමට තීරණය කළ බව ඔහු පැවසුවේය.
අද දවසේ රැස්වූ පාර්ලිමේන්තු විශේෂ කාරක සභාව ඉදිරියේ දී සාක්ෂි විමසීම සඳහා කැඳවන සාක්ෂිකරුවන්ගේ ලේඛනයක්ද සකස් කර තිබෙනවා.කෙසේවෙතත් හෙට දිනයේ සාක්ෂි වීමසීමට නියමිතව තිබෙන්නේ සමස්ත ලංකා තවුහීද් ජමාත් සහ ශ්‍රී ලංකා තවුහීද් ජමාත් යන සංවිධාන වලිනි.
