ඊයේ (21) අලුයම මෙම වනඅලියා ගම් වැදී ඇති අතර එම අවස්ථාවෙදී ප්‍රදේශයේ වගා ලිදකට වනඅලියා ඇද වැටී ඇත.
අලුයම දෙකට පමන ලිදට වැටුණු වනඅලියා පැය එකොලහකට පසුව අසීරු මෙහෙයුමකින් ගොඩ ගෙන කැලයට පලවා හැරීමට වනජීවි නිලධාරීන් සහ ප්‍රදේශවාසීන් සමත්වු බව අප වර්තාකරු පවසයි. වයස අවුරුදු පහලොවත් විස්සත් අතර පසුවන වනඅලියාගේ සිරුරට තුවාල සිදුවී ඇති අතර අවශ්‍ය ප්‍රතිකාර කිරීමට කටයුතු කරන බව වනජීවි නිලධාරීහු පවසති.
