සැකකරු 26 හැවිරිදි හිඹුටාන,අංගොඩ ලිපිනයේ පදිංචි ගමගේ චතුර මදුරංග පෙරේරා යන අයයි. සැකකරුගෙන් සිදුකරන ලද ප්‍රශ්න කිරීම් වල දී ව්‍යාජ අංක තහඩු සහිත ස්කූටි වර්ගයේ යතුරු පැදියක්,අපරාධය සිදුකරන අවස්ථාවේ සැකකරුවන් පැළඳ සිටි ජැකට් 2ක්,හෙල්මට් 2ක් ද පොලීසිය විසින් සොයාගෙන තිබේ. හංවැල්ල පොලීසිය මගින් වැඩිදුර විමර්ශන ක්‍රියාත්මකයි.
මේ අතර, ගල්කිස්ස,රත්මලාන සිල්වෙස්ටර් මාර්ගයේ දී මනුෂ්‍ය ඝාතනයක් සම්බන්ධයෙන් අවශ්‍යකර සිටි සැකකරුවෙක් අත්අඩංගුවට ගෙන තිබේ. ඔහු අත්අඩංගුවට ගැනුණේ මොරටුව හෝලටයක් තුළදීයි. සැකකරු 31 හැවිරිදි අගුලාන පදිංචිකරුවෙක්. සංවිධානාත්මක අපරාධ නිවාරණ කොට්ඨාසය මගින් වැඩිදුර විමර්ශන ක්‍රියාත්මකයි.
