තරගාවලිය ආරම්භ කෙරෙන්නේ, ලබන 7 වැනිදායි. ඔස්ට්‍රේලියානු කණ්ඩායමේ ක්‍රීඩකයන්ගෙන් පළමු පිරිස ඊයේ පස්වරු 5.00ට පමණ මෙරටට පැමිණි අතර, අනෙක් පිරිස ළගා වූයේ රාත්‍රී 10.30ට පමණ.

දෙරට අතර 20-20 ක්‍රිකට් තරගාවලියට තරග 3ක් ඇතුළත්. පළමු තරග දෙක ලබන 7 සහ 8 දෙදින කොළඹ ආර්.ප්‍රේමදාස ක්‍රීඩාංගණයේදී පැවැත්වෙයි. අනෙක් තරගය ලබන 1 වැනිදා පැවැත්වෙන්නේ, පල්ලෙකැලේ අන්තර්ජාතික ක්‍රිකට් ක්‍රීඩාංගණයේදී.

ඒරන් ෆින්ච්, ඔස්ට්‍රේලියානු 20-20 කණ්ඩායමේ නායකත්වය දරන අතර ෂොන් ඇබට්, ඇෂ්ටන් ඒගර්, ජායි රිචඩ්සන්, කේන් රිවඩ්සන්, ස්ටීවන් ස්මිත්, මිචෙල් ස්ටාර්ක්, මාකස් ස්ටොයින්ස්, මිචෙල් ස්වෙප්සන්, ඩේවිට් වෝනර් සහ මැතිව් වෙඩ් කණ්ඩායමේ සෙසු ක්‍රීඩකයින්.