ලෝක සෞඛ්‍ය සංවිධානයේ ප්‍රධානියා සිකුරාදා අනතුරු ඇඟවූයේ අත්‍යවශ්‍ය සෞඛ්‍ය සේවාවන් අඛණ්ඩව පවත්වාගෙන යාම ඉතා වැදගත් බවයි.
COVID - 19 ලෝකයේ අවධානය නිවැරදිව ග්‍රහණය කර ගෙන ඇතත්, විශේෂයෙන් අප්‍රිකාවේ සහ මැදපෙරදිග බොහෝ රටවල් තවමත් වසර ගණනාවක ගැටුම් හා වෙනත් මානුෂීය අර්බුදයන්ගෙන් පීඩා විඳින බව හෙතෙම කියා සිටී.
වසංගතය සහ එය මැඩපැවැත්වීම සඳහා පනවා ඇති සීමාවන් නිසා මිලියන 220 ක ජනතාවක් දිගු කාලීන හදිසි තත්ත්වයක සිටින බවද ටෙඩ්රොස් මහතා ප්‍රකාශ කර ඇත.
අයවැය කපා හැරීමෙන් දරුවන් ගේ අධ්‍යාපනයට ඇතිවන අහිතකර බලපෑම් හා දිළිදු බව ඉහළ යාමට හේතුවී තිබේ.
ඉන් අවම වශයෙන් මෙම වසර අවසානය වනවිට ලොව පුරා දරුවන් මිලියන 9.7 කට සඳහටම පාසල් අධ්‍යාපනය අහිමි වනු ඇති බවට ද හෙතෙම අනතුරු ඇඟවීය.
