අභියෝග රැසකට මුහුණ දෙමින්, යුද ගැටුම් මැද යුක්‍රේනය, අද සිය නිදහස් දිනය සමරනවා. ජනාධිපති වොලදිමීර් සෙලෙන්ස්කි රුසියාවෙන් ඉල්ලා සිටින්නේ නිදහස් දින සැමරුමේ දී සිය වැසියන්ට එහි අර්ථය නිසි ආකාරව විඳ ගැනීමට  ඉඩහසර සලසා දෙන ලෙසයි.

ෆින්ලන්ත අගමැතිනිය සම්බන්ධයෙන් පසුගියදා මහත් ආන්දෝලනයක් හටගනු ලැබුවා. ඒ, ඇය සාදයකදී හැසිරුණු ආකාරය හේතුවෙන්. 

තුර්කියේ ගිනිකොණ දිග ගැසියන්ට‍ඩ් පළාතේ බස්රථ අනතුරකින් අවම වශයෙන් පුද්ගලයින් 16 දෙනෙකු මිය ගොස්, ඇති බව විදෙස් මාධ්යව වාර්තා කරනවා.

දකුණු ‍යුක්‍රේනයේ පිහිටි න්‍යෂ්ටික බලාගාරයක් අසළ සටන් කිරීම සම්බන්ධයෙන් තමන් දැඩි කනස්සල්ලට පත්වන බව, එක්සත් ජාතීන්ගේ මහලේකම් අන්තෝනියෝ ගුටරෙස්ට් පවසනවා. ඔහු මේ බව ප්‍රකාශ කළේ, යුක්‍රේන හා තුර්කි නායකයන් දෙදෙනා සමග යුක්‍රේනයේදී පැවති සමුළුවකදී. 

‍‍චීනයේ මධ්‍යම සහ නිරිතදිග ප්‍රදේශවලට බලපා ඇති දැඩි නියඟය හේතුවෙන් එම ප්‍රදේශවලට කෘතිම වැසි වැස්සවීමට බලධාරීන් පියවර ගෙන තිබෙනවා. එම කලාපයේ මාස දෙකකට අධික කාලයක සිට වියළි හා තාප අධික සුළං තත්වයක් පවතින බවයි, වාර්තා වන්නේ.