පැටවුන්ගේ උපත සිදුවුණේ, බෙල්ජියමේ පෙයිරි ඩාසා සත්වෝද්‍යානයේදී. දස හැවිරිදි හාඕ - හාඕ නමින් හඳුන්වනු ලබන පැන්ඩා මව විසින් ඉකුත් බ්‍රහස්පතින්දා මෙම පැටවුන් දෙදෙනා බිහි කළාය. ඒ පිරිමි පැටවකු හා ගැහැණු පැටවෙකු වශයෙන්.
පැටවුන්ගේ උපත පිළිබඳව සත්වෝද්‍යාන බලධාරීන් ඊයේ නිල වශයෙන් නිවේදනය කළේය. පැටවුන් දෙදෙනා යහපත් සෞඛ්‍ය තත්වයෙන් පසුවන බවයි, ඔවුන් පැවසුවේ. සත්වෝද්‍යාන බලධාරීන් පෙන්වා දෙන්නේ, මෙම නිවුන් පැන්ඩා පැටවුන්ගේ උපත අතිශය දුර්ලභ අවස්ථාවක් බවයි.
