පාර්ලිමේන්තුවට විශේෂ ප්‍රකාශයක් කරමින් සම්බන්ධන් මහතා තවදුරටත් කියා සිටියේ, මේ වන විට පාර්ලිමේන්තුව තුල විපක්ෂ නායකයින් දෙදෙනෙකු සිටින අතර එයින් නීත්‍යානුකූල විපක්ෂ නායක තමා බවයි. ආර්. සම්බන්ධන් මහතා ඉලංගෙයි තමිල් අරසු කච්චි පක්ෂය නියෝජනය කරමින් පාර්ලිමේන්තුවට පැමිණි අතර 2015 සැප්තැම්බර් මස 15 වැනි දා ඔහු පාර්ලිමේන්තුවේ විපක්ෂ නායක ලෙසින් පත්කරනු ලැබිණ. ඒ අනූව, ඔහු කියා සිටියේ එම අවස්ථාව වන විට පාර්ලිමේන්තුවේ සිටි දෙවැනි විශාලතම පක්ෂය තම පක්ෂය බවයි. එක්සත් ජනතා නිදහස් සන්ධානය, එක්සත් ජාතික පෙරමුණ සමග එක්ව ජාතික ආණ්ඩුවක් පිහිටවනු ලැබිණ.

ඒ අනූව සන්ධානයෙන් ඉවත්ව ගිය පිරිස් විපක්ෂ නායක ධුරය ඉල්ලා සිටිය ද මේ දක්වා පාර්ලිමේන්තුවේ දෙවැනි බහුතරය හිමි මන්ත්‍රීන් සහිත පක්ෂය තම පක්ෂය බව ඔහු කියා සිටියේය. මේ වන විටත් එක්සත් ජනතා නිදහස් සන්ධානයේ මන්ත්‍රීවරුන් අග්‍රාමාත්‍ය රනිල් වික්‍රමසිංහ මහතාගේ නව රජය සමඟ එක්ව සිටින බව ද ඔහු පාර්ලිමේන්තුවේ දී කියා සිටියේය. මහින්ද රාජපක්ෂ මහතා පොදු ජන එක්සත් පෙරමුණේ සාමාජිකත්වය ලබාගෙන ඇති බවත්, ඒ අනූව ඔහු ශ්‍රී ලංකා නිදහස් පක්ෂයේ හෝ එක්සත් ජනතා නිදහස් සන්ධානයේ සාමාජිකයෙකු නොවන බවයි, ආර්.සම්බන්ධන් මහතා පාර්ලිමේන්තුවේ දී කියා සිටියේ.

නොබෙඳුන රටක් තුල ජීවත්වීමේ අධිෂ්ඨානය ඇතිව දේශපාලන ක්‍රියාකාරීත්වය ගෙනයාම තම පක්ෂයේ අරමුණ බව, ඔහු පෙන්වා දුනි. එසේ වුවද, මේ වන විට සුළු කණ්ඩායමක් විසින් රට තුල බහුතර වාදය මතුකරමින් එම මාවත දුරස්කරමින් සිටින බව ද ඔහු අවධාරණය කළේය.

මෙහිදී අඳහස් දැක්වූ පාර්ලිමේන්තු මන්ත්‍රීවරු මෙසේ පැවසී ය.