මෑතක දී අත්අඩංගුවට ගත් වැඩිම අයිස් මත්ද්‍රව්‍ය තොගය වන්නේ ද මෙයයි. සුරාබදු දෙපාර්තමේන්තුවේ බුද්ධි ඒකකයට ලද තොරතුරක් මත, සිදු කරන ලද දීර්ඝ විමර්ශනයක ප්‍රතිඵලයක් ලෙසයි, මෙම මත්ද්‍රව්‍ය තොගය සොයා ගැනුණේ.
සුරාබදු දෙපාර්තමේන්තුව සඳහන් කළේ, සැකපිට පුද්ගලයින් සිව් දෙනෙක් අත්අඩංගුවට ගෙන ඇති බවයි. මත්ද්‍රව්‍ය තොගය ප්‍රවාහනය කරමින් තිබූ මෝටර් රථ දෙකක්, වෑන් රථයක් හා ලොරි රථ දෙකක් සුරාබදු නිලධාරීන්ගේ බාරයට ගැනිණ.
සුරාබදු කොමසාරිස් කපිල කුමාරසිංහ මහතා සඳහන් කළේ, හෙරොයින් මත්ද්‍රව්‍ය තොගයේ වටිනාකම රුපියල් කෝටි 60කට අධික බවයි. අයිස් මත්ද්‍රව්‍ය තොගයේ වටිනාකම රුපියල් කෝටි 40කට අධික බව ද ඔහු සඳහන් කරයි.
