මෙමගින් මෙරට පාරිභෝගිකයන්ට තිරසර අනාගතයක් වෙනුවෙන් නවීනතම සූර්ය බලශක්ති විසඳුම් භාවිතා කිරීමට අවස්ථාව හිමි වේ. 

නවීනතම තාක්ෂණයන් භාවිතයෙන්, සූර්ය බලශක්ති පද්ධතිවලින් උපරිම ප්‍රයෝජන ලබාගැනීමට හැකි වන ආකාරයට සහ පහසුවෙන් භාවිතා කළ හැකි වන ආකාරයට SUNGROW ඉන්වර්ටර් නිෂ්පාදනය කර ඇත.
 මෙය බලශක්ති ජනන ක්‍රියාවලියේ කාර්යක්ෂමතාව වැඩි කරන අතරම පාරිභෝගිකයන්ට විශාල මුදලක් ඉතිරි කර දෙන විසඳුමකි.

SUNGROW ඉන්වර්ටර් සඳහා භාවිතා කර ඇති උසස් තාක්ෂණයන් නිසා මෙම ඉන්වර්ටර් මහා පරිමාණයේ වාණිජ ගොඩනැගිලි ඇතුළුව විවිධාකාර ස්ථානවල භාවිතා කළ හැක.

අයහපත් කාලගුණ තත්ත්වයන්ට වුවද හොඳින් මුහුණ දෙමින් දීර්ඝ කාලයක් පවතින ආකාරයට SUNGROW ඉන්වර්ටර් සහ එහි නිරීක්ෂණ පද්ධති සැලසුම් කර තිබේ.

විශ්වාසනීය, කල්පවතින සහ පහසුවෙන් භාවිතා කළ හැකි අතුරු මුහුණතක් සහිත SUNGROW ඉන්වර්ටර් ශ්‍රී ලංකාවේ සූර්ය බලශක්ති ක්ෂේත්‍රයේ නව පරිච්ඡේදයක ආරම්භය සනිටුහන් කරනු නොඅනුමාන ය.

මෙම අවස්ථාවට E.B. Creasy Solar වෙනුවෙන් එහි සභාපති එස්. ඩී. ආර්. අරුද්දගාසම්, කළමනාකාර අධ්‍යක්ෂ සංජීව් රාජරත්නම්, ප්‍රධාන මෙහෙයුම් නිලධාරී ඉසුරු ලේකම්ගේ හා අලෙවි කළමනාකරු එක්සත් ද අල්විස්, යන මහත්වරුන්ද, SUNGROW Power Supply Co. Ltd. වෙනුවෙන් එහි අධ්‍යක්ෂ හවර්ඩ් ෆූ ඇතුළු පිරිසක්ද සහභාගී වූහ.

මීට අමතරව ශ්‍රී ලංකා සුනිත්‍ය බලශක්ති අධිකාරියේ සභාපති රංජිත් සේපාල, මොරටුව විශ්ව විද්‍යාලයේ විදුලි ඉංජිනේරු විශේෂඥ මහාචාර්ය අසංක රුද්‍රිගු සහ ලංකා විදුලිබල මණ්ඩලයේ සභාපති නලින්ද ඉලංගකෝන් යන මහත්වරුද මෙම අවස්ථාවට එක්ව සිටියහ.

තවද ශ්‍රී ලංකා සුනිත්‍ය බලශක්ති අධිකාරියේ ලියාපදිංචි වී සිටින සූර්ය බලශක්ති පද්ධති සේවා සම්පාදකයන් පිරිසක්ද මෙම අවස්ථාවට සහභාගී වී සිටීම එහි වැදගත්කම සංකේතවත් කළ සාධකයක් විය.

"SUNGROW සමග ඇතිකරගත් මෙම හවුල්කාරීත්වය, ශ්‍රී ලාංකිකයන්ට නවීනතම පුනර්ජනනීය බලශක්ති තාක්ෂණයන් හඳුන්වා දීම සඳහා අප දරන උත්සාහයේ තවත් වැදගත් පියවරක්.

 E.B. Creasy Solar සමාගමේ ප්‍රධාන මෙහෙයුම් නිලධාරී ඉසුරු ලේකම්ගේ මහතා

"ඉහළම ප්‍රමිතියෙන් යුත් SUNGROW සූර්ය බලශක්ති ඉන්වර්ටර් මෙරටට හඳුන්වා දීමට හැකි වීම සම්බන්ධයෙන් අප බෙහෙවින් සතුටු වනවා, මෙය තිරසාර බලශක්ති වැඩසටහන් සම්බන්ධයෙන් අපට නව අවස්ථා රාශියක් උදාකර දෙන හවුල්කාරීත්වයක් වේවි. තාක්ෂණික නවෝත්පාදනය සහ අප මෙම තිරසරත්වය සම්බන්ධ දීර්ඝකාලීන පුරෝගාමියෙකු වශයෙන් හවුල්කාරීත්වය සලකන්නේ ශ්‍රී ලංකාව තුළ යහපත් වෙනසක් ඇතිකිරීම සඳහා තබන ලද අතිශය සුභවාදී පියවරක් ලෙසයි. මේ ඔස්සේ අපට පරිසර හිතකාමී බලශක්තිය තුළින් පන්නරය ලබන ශ්‍රී ලංකාවක් බිහි කිරීමේ සිහිනය සැබෑ කරගැනීමට දායක වීමට හැකියාව ලැබේවි."

E.B. Creasy Solar සහ SUNGROW යනු සූර්ය බලශක්ති ක්ෂේත්‍රයේ ඉහළ ක්‍රියාකාරීත්වයක් සහිත තාක්ෂණයන් සම්බන්ධයෙන් වසර ගණනාවක පළපුරුද්දක් හිමි සමාගම් දෙකකි. පවුල් සහ ප්‍රජාවන් සඳහා මෙන්ම වාණිජ හා උපයෝගීතා සේවා මට්ටමේ ව්‍යාපෘති සඳහා තිරසර බලශක්ති විසඳුම් සැපයීම අරමුණ කරගත් මෙම සමාගම් දෙක, සැමට වඩාත් තිරසර අනාගතයක් උදාකර දීමට උපකාරී වන පරිසර හිතකාමී බලශක්ති පරිවර්තනයක් වෙනුවෙන් පෙරමුණ ගෙන සිටී.

E.B. Creasy Solar පිළිබඳව සිය මවු සමගම වන E.B. Creasy & Co., PLC සමාගමේ ශක්තිය තුළින් පන්නරය ලබන E.B. Creasy Solar, වසර 20 කට අධික කාලයක් පුරා මෙරට පවුල්, ව්‍යාපාර සහ ප්‍රජාවන්
වෙනුවෙන් විශිෂ්ටතම සූර්ය බලශක්ති විසඳුම් පිරිනමා තිබේ.

1878 වසරේදී ආරම්භ වූ E.B. Creasy & Co., PLC සමාගම තම ව්‍යාපාර කටයුතුවලදී සෑම විටම විශ්වාසනීයත්වය සහ ආචාරධර්ම ආරක්ෂා කරන සමාගමකි.

ලොව පිළිගත් නවතම තාක්ෂණයන් සමගින් තිරසාර පුනර්ජනනීය බලශක්ති විසඳුම් පිරිනමන E.B. Creasy Solar සමාගම සිය නිෂ්පාදන සඳහා වසර 25 ක් දක්වා වගකීම් කාලයක් ලබාදෙයි. මේ නිසාම ශ්‍රී ලංකාවේ ප්‍රමුඛතම පරිසර හිතකාමී සමාගමක් ලෙස ඇගයීමට ලක්වීමට E.B. Creasy Solar සමාගම සමත් වී තිබේ.

මෙරට ජනතාවට බලශක්ති විසඳුම් පිරිනැමීම සඳහා UNDP සහ World Vision Lanka වැනි ජාත්‍යන්තර තලයේ සංවිධානය සමග අත්වැල් බැඳගැනීමටද E.B. Creasy Solar පියවර ගෙන ඇත.

සෑම විටම කාබන් ශූන්‍යතාව, කාර්යක්ෂමතාව සහ පරිසර හිතකාමීත්වය ඉලක්ක කරගනිමින්, තාක්ෂණයේ දියුණුව සමග ඉදිරියට යමින්, පාරිභෝගිකයන්ට හිරු මෙන් විශ්වාසනීය සේවාවක් පිරිනැමීම E.B. Creasy Solar සමාගමේ පරමාර්ථයයි.