ඇය මේ බව කියා සිටියේ, අමෙරිකාව සමඟ ඇතිකර ගැනීමට නියමිත සෝෆා ගිවිසුම සම්බන්ධයෙන් මෙරට මාධ්‍යවල පළවූ වාර්තා පදනම් කර ගනිමින්. එම ගිවිසුම මගින් ශ්‍රී ලංකාව අමෙරිකානු හමුදාවේ යටත් විජිතයක් බවට පත් කිරීමට අමෙරිකාවේ ගැඹුරු සැලැස්මක් පෙන්නුම් කරන බව, ඇතැම් මාධ්‍යවලින් වාර්තාකර තිබූ බව සඳහන්. ඒ සම්බන්ධයෙන් පළවූ බොහෝ වාර්තා සම්පූර්ණයෙන්ම අසත්‍ය බව අමෙරිකානු තානාපතිනිය පවසයි.
සෝෆා හෙවත් සේනා තත්ව ගිවිසුම හා එම සාකච්ජාවල අරමුණ වන්නේ, දෙරටෙ අතර පවතින සහයෝගිතාවයට තවදුරටත් පහසුක්ම සැලසීම පමණක් බවයි, ඇය කියා සිටින්නේ. දෙරට අතර එළැඹෙන ඕනෑම ගිවිසුමක් ශ්‍රී ලංකාවේ ස්වෛරී භාවයට පූර්ණ වශයෙන් ගරු කරනු ඇති බව ද අමෙරිකානු තානාපතිනිය පවසයි.
