යුක්‍රේන - රුසියා යුද්ධය, යුක්‍රේනයේ නැගෙනහිර හා දකුණු ප්‍රදේශ ආශ්‍රිතව තවදුරටත් පවතිනවා. යුද ගැටුම් න්‍යෂ්ටික බලාගාර ආශ්‍රිතව සිදු කිරීමෙන්, එහි විකිරණ පරිසරයට එකතුවීමේ දැඩි අවදානමක් මතුව තිබෙනවා.
දකුණු යුක්‍රේනයේ මේ වන විට හට ගෙන ඇති යුධමය වාතාවරණය, එම ප්‍රදේශයේ ඇති ප්‍රබල න්‍යෂ්ටික බාලාගාරයකට බලපා ඇති බවයි, වාර්තා වන්නේ. මෙලෙස අවධානමක් මතුව ඇති සැෆොරොසේෆියා බගාගාරය දැනට රුසියානු හමුදා යටතේ පවතිනවා. එම නිසා යුක්‍රේන හමුදාව දැන් න්‍යෂ්ටික බලාගාරය නැවත අත්පත් කර ගැනීමට ප්‍රතිප්‍රහාර එල්ල කරමින් සිටින බවයි, වාර්තා වන්නේ.
ගැටුම්වල ඇති අවදානම හේතුවෙන්, එක්සත් ජාතීන්ගේ මහලේකම් හා තුර්කි නායක රසෝජ් තායිප් එර්ඩොගන් එක්ව යුක්‍රේන ජනාධිපති වොලද්මීර් සෙලෙන්ස්කි සමග හමුවක් පවත්වා තිබෙනවා.
එහිදී, සටන් අතරතුර න්‍යෂ්ටික බලාගාරය මගින් සිදුවිය හැකි හානි නවතාලීමට ගත හැකි ක්‍රියාමාර්ග පිළිබඳ සාකච්ඡා කර ඇති බව, විදෙස් මාධ්‍ය වාර්තාවල සඳහන්.
