ටොන් 9ක මත්ද්‍රව්‍ය තොගය ආරක්ෂක අංශ බාරයට ගෙන ඇත්තේ, නැගෙනහිර පැසිෆික් සාගරය ආශ්‍රිතව සිදුකළ වැටලීම් මාලාවකදී. මෙක්සිකෝව, මධ්‍යම හා දකුණු අමෙරිකානු කලාපවල සිදු කෙරුණු වැටලීම් 7කදී ඒවා හමු වී ඇති බව, විදෙස් වාර්තාවල සඳහන්. මෙහෙයුම සිදුකර ඇත්තේ, ඉකුත් ඔක්තෝබර් සහ නොවැම්බර් මාසවලයි. මධ්‍යම හා ලතින් අමෙරිකානු කලාප නීති විරෝධී මත්ද්‍රව්‍ය නිෂ්පාදනය කරන ප්‍රධාන මධ්‍යස්ථාන ලෙසයි සැලකෙන්නේ. එහි සිට රැගෙන එන මත්ද්‍රව්‍ය සම්බන්ධව අමෙරිකානු වෙරළාරක්ෂක බලකාය නිරන්තර සෝදිසි මෙහෙයුම් ක්‍රියාත්මක කරයි.
