හෙරොයින් ජාවාරමකට සහ මනුෂ්‍ය ඝාතනයකට සම්බන්ධ සැකකරුවෙකු පෑලියගෙඩ පොලිසිය විසින් ඊයේ අත්අඩංගුවට ගනු ලැබ තිබේ.

අතුරුගිරිය පොලිසිය සිදු කළ වැටලීමක දී හෙරොයින් ග්‍රෑම් 5යි මිලිග්‍රෑම් 860ක් ළඟ තබාගෙන සිටි පුද්ගලයෙකු ඊයේ අරංගල ප්‍රදේශයේ දී අත් අඩංගුවට ගෙන තිබේ.

මාතර, හක්මන ප්‍රදේශයේ දී මාර්ග බාධක රාජකාරියේ නිරත ව සිටි පොලිස් නිලධාරීන් පිරිසක් අනතුරට ලක්කර පලාගිය ටිපර් රථය, රන්න ප්‍රදේශයේ නිවසක් ආසන්නයේ තිබී සොයා ගෙන තිබේ.

හෝමාගම පොලිස් වසමේ මහින්ද මාවත, පිටිපන උතුර, හෝමාගම ලිපිනයේ පදිංචි පොලිස් ප්‍රවාහන කොට්ඨාසයට අනුයුක්තව රාජකාරියේ නියුතු පොලිස් කොස්තාපල් රියදුරුවරයෙකු ටී-56 ගිනි අවි 02ක් සමඟ අත්අඩංගුවට ගෙන ඇත.

දැනට රිමාන්ඩ් බාරයේ පසුවන කොස්ගොඩ තාරක නැමැත්තාගේ මත්ද්‍රව්‍ය බෙදාහැරීමේ ජාලය හසුරවන ප්‍රධානියා ලෙස සැලකෙන රොහාන් ප්‍රදීප් හෙවත් “කළු මල්ලී” අංගොඩ ප්‍රදේශයේ දී අත්අඩංගුවට ගෙන තිබේ.

යතුරුපැදියකින් ගමන් ගත් පුද්ගලයෙකුට තවත් යතුරුපැදියකින් පැමිණි පිරිසක් කඩුවකින් පහර දී තුවාල සිදුකිරීමේ සිද්ධියකට සම්බන්ධ සැකකරුවන් 6ක් අත්අඩංගුවට ගෙන තිබේ.

 තලංගම පොලීසිය පාරිභෝගික අධිකාරිය සමග එක්ව කල් ඉකුත් වූ රසායනික ද්‍රව්‍ය භාවිත කර දෑත් පිරිසිදු කිරීමේ දියර නිෂ්පාදනය කළ සැකකරුවෙකු අත්අඩංගුවට ගෙන තිබේ.

බස්නාහිර පළාත තුළ ඊයේ උදේ 6.00 සිට අද අලුයම 5.00 දක්වා පොලීසිය කළ වැටලීම්වල දී මත්ද්‍රව්‍ය ජාවාරම් ඇතුළු නීතිවිරෝධී ක්‍රියාවන්ට සම්බන්ධ බවට සැකපිට තුන්සිය පනස් හත් දෙනෙක් අත්අඩංගුවට ගෙන තිබේ. එම කාලසීමාවේ සිදුකර ඇති වැටලීම් සංඛ්‍යාව 356ක්.

දිවයිනේ පොලිස් ස්ථාන මගින් පැය 24ක් තුළ සිදුකළ වැටලීම්වලදී පුද්ගලයින් 1885 දෙනෙක් අත්අඩංගුවට ගෙන තිබේ.

මත්ද්‍රව්‍ය ජාවාරම්කරුවන් සමග සබඳතා පැවැත්වූ මත්ද්‍රව්‍ය නාශක කාර්යාංශයේ පොලිස් කොස්තාපල්වරයෙක් 17 වන සැකකරු ලෙස අපරාධ පරීක්ෂණ දෙපාර්තමේන්තු නිලධාරීන් විසින් රාගමදී ඊයේ (07) අත්අඩංගුවට ගෙන තිබේ.