නව ආණ්ඩුවක් පිහිටුවීමට අවස්ථාව ලබා දෙමින් තමා සිය ධුරයෙන් ඉල්ලා අස්වීමට තීරණය කළ බව අග්‍රාමාත්‍ය රනිල් වික්‍රමසිංහ මහතා නිවේදනයක් නිකුත් කරමින් ඊයේ (20) කියා සිටියේය.
පසුගිය වසර 5ක කාලය තුල රටේ ප්‍රජාතන්ත්‍රවාදය, මානව නිදහස් අදහස් ප්‍රකාශ කිරීමේ හා තොරතුරු දැනගැනීමේ අයිතියා හා සමානාත්මතාව, සංහිදියාව තහවුරු කිරීම උදෙසා සිය රජය කටයුතු කළ බව එම නිවේදනයේ තවදුරටත් සඳහන් විය.19 වැනි ව්‍යවස්ථා සංශෝධනය මගින් සියලු ආයතන දේශපාලනීකරණයෙන් නිදහස් කළ බවත් පසුගිය ජනධිපතිවරණය නිදහස්, ස්වාධීන හා සාධාරණ අන්දමින් පැවැත්වීමට හැකිවීම එහි ප්‍රතිඵලයක් බව ඔහු එම නිවේදනයෙන් ප්‍රකාශ කර තිබිණ.
