එක්සත් ජාතික පක්ෂ පාර්ලිමේන්තු මන්ත්‍රී චමින්ද විජේසිරි හා ඔහුගේ ආරක්ෂක නිලධාරියා රුපියල් ලක්ෂ 5ක බැගින් ශරීර ඇප 2ක් හා රුපියල් 10,000ක මුදල් ඇපයක් මත නිදහස් කර තිබේ.

2012 වසරේ වැලිකඩ සිරකරු ඝාතන සිද්ධියට රිමාන්ඩ් බාරයේ සිටින එමිල් රන්ජන් ළමාහේවා ලබන 26 දක්වා යළි රිමාන්ඩ් කෙරේ.

බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ට ලබාදී තිබූ මාස 6ක සිරදඩුවම වසර 5කට අත්හිටුවීමට හෝමාගම මහාධිකරණය අද නියෝග කෙරිණ.

බලපත්‍රයක් නොමැතිව අලි පැටවකු සන්තකයේ තබා ගත්තේ යැයි චෝදනා කරමින් පූජ්‍ය උඩුවේ ධම්මාලෝක හිමියන්ට එරෙහිව නීතිපතිවරයා ගොනුකර ඇති නඩුවේ තීන්දුව මාර්තු 01 වනදා ප්‍රකාශ කරන බව කොළඹ මහාධිකරණය නිවේදනය කළේය.

අධිකරණයට අපහාස කළ බවට චෝදනා කරමින් හිටපු අගවිනිසුරු සරත් එන්. සිල්වාට එරෙහිව ගොනු කර ඇති පෙත්සම සලකා බැලීම අද(07) සිදුකෙරිණ.

අමාත්‍ය විමල් වීරවංශගේ බිරිඳ වන ශෂී වීරවංශට එරෙහිව රහස් පොලිසිය ගොනුකර තිබෙන නඩුව අද(06) කොළඹ මහේස්ත්‍රාත් අධිකරණය හමුවේ යළි විභාගට ගැනිණි.

බැඳුම්කර කොමිසම වෙත පර්පචුවෙල් ට්‍රෙෂරීස් සමාගම විසින් ලබාදුන් දුරකථන හඬපට වලට අදාළ අනුපිටපත් රජයේ රස පරීක්ෂකවරයා වෙත යොමු කර වාර්තාවක් කැඳවන මෙන් කොළඹ මහේස්ත්‍රාත් අධිකරණය අද රහස් පොලිසීය වෙත නියම කළේය. 

අග්‍රාමාත්‍ය ධුරයේ සහ අමාත්‍ය මණ්ඩලයේ කටයුතු කිරීම වළක්වාලමින් අභියාචනාධිකරණය මගින් ඉකුත් දා නිකුත්කර තිබු තහනම් නියෝගයක් ඉවත් කරන මෙන් ඉල්ලා ඉකුත් දෙසැම්බර් මස හිටපු අග්‍රාමාත්‍ය මහින්ද රාජපක්ෂ මහතා ඇතුළු හිටපු අමාත්‍ය මණ්ඩල සාමාජිකයින් විසින් ගොනු කරන ලද අභියාචනා පෙත්සම් මාර්තු මස 14 වනදා කැඳවන ලෙස ශ්‍රේෂ්ඨාධිකරණය නියම කළේය.

හිටපු නියෝජ්‍ය පොලිස්පති වාස් ගුණවර්ධන ඇතුළු විත්තිකරුවන් 6 දෙනෙකු එම දඬුවමෙන් තමන්ව නිදහස් කරන ලෙස ඉල්ලා ගොනු කර ඇති අභියාචනා මාර්තු මස 12 වැනිදා කැඳවන ලෙස පංච පුද්ගල ශ්‍රේෂ්ඨාධිකරණ විනිසුරු මඩුල්ල නියම කළේය.

ඛනිජ තෙල් සංස්ථා මූලස්ථානයට ඇතුළු වී එහි පිරිසකට පහර දුන්නේ යැයි සිද්ධියට සැකකෙරෙන, අමාත්‍ය අර්ජුන රණතුංග මහතා සම්බන්ධයෙන් ගන්නා ක්‍රියාමාර්ගය පිළිබඳව නීතිපතිවරයාගෙන් උපදෙස් විමසා අධිකරණය දැනුවත් කරන මෙන් කොළඹ මහේස්ත්‍රාත් අධිකරණය අද කොළඹ අපරාධ කොට්ඨාශයට නියම කළේය.