ශ්‍රී ලංකා ගුවන් හමුදාවේ ඇන්ටනෝ ගුවන් යානාවකට මිසයිල ප්‍රහාරයක් එල්ල කර බිම දැමීමේ වර්ද පිළිගත් එල්.ටී.ටී.ඊ සාමාජිකයින් දෙදෙනෙකුට වසර 185ක සිර දඩුවමක් වසර 5කින් ගෙවී යන පරිදි දඩුවම් නියම කෙරිණ.

මහ බැංකු බැඳුම්කර සිද්ධිය සම්බන්ධයෙන් ඇප මත මුදාහැර සිටින පර්පචුවෙල් ට්‍රෙෂරීස් සමාගමේ හිමිකරු අර්ජුන් ඇලෝසියස් මහතා සමග රහස් පොලිසියට වාර්තා කිරීමට ගිය නීතිඥවරු දෙදෙනෙකුට එහි නිළධාරින් විසින් සිදු කළ බව කියන හිරිහැරයක් සම්බන්ධයෙන් අද කොළඹ මහේස්ත්‍රාත් අධිකරණයට කරුණු වාර්තා කළේය.

ගිං නිල්වලා යෝජනා ක්‍රමයට අනූමත මුදල චීන සමාගමකට ගෙවීමට පොරොන්දු වී ඉන් සියයට පහක මුදලක් අත්තිකාරමක් ගෙන රජයේ රුපියල් මිලියන 4012ක් සාවද්‍ය පරිහරණය කිරිමේ චෝදනාවට වාරිමාර්ග අමාත්‍යාංශයේ හිටපු ලේකම් අයිවන් සිල්වාට නිකුත් කළ වරෙන්තුව ආපසු කැඳවීමට විත්තිය කළ ඉල්ලීම කොටුව මහේස්ත්‍රාත් අධිකරණය අද (07) ප්‍රතික්ෂේප කළේය. 

මහින්ද රාජපක්ෂ මහතා ඇතුළු අමාත්‍ය මණ්ඩල සාමාජිකයින් විසින් ඉදිරිපත් කරන ලද පෙත්සම් පංච පුද්ගල විනිසුරු මඩුල්ලක් ඉදිරියේ විභාගයට ගන්නා ලෙස ඉල්ලා ඉදිරිපත් කැරුණු මෝසම ඉවත දැමූ ශ්‍රේෂ්ඨාධිකරණය එම පෙත්සම් ත්‍රිපුද්ගල  විනිසුරු මඩුල්ල හමුවේ සලකා බැලීමට තීරණය කළේය.

පාර්ලිමේන්තුව විසුරුවා හැරීමට ජනපති නිකුත් කළ ගැසට් පත්‍රය අභියෝගයට ලක්කරමින් ගොනුකළ පෙත්සමට මැදිහත්වීම් පෙත්සම්කරුවන් ලෙස ඉදිරිපත් වීමට පාර්ලිමේන්තුවේ නීතීඥ මන්ත්‍රීවරුන් 10 දෙනෙකු කළ ඉල්ලීම ශ්‍රේෂ්ඨාධිකරණය විසින් පිළිගෙන තිබේ.

පවතින දේශපාලන අර්බුදය නිරාකරණය කිරීම සඳහා මහ මැතිවරණයක් පැවැත්වීමට අවසර දෙන්නැයි ඉල්ලමින් ශ්‍රේෂ්ඨාධිකරණය වෙත පෙත්සමක් භාර දී තිබේ.

විසුරුවා හැර තිබූ පාර්ලිමේන්තුව නැවත කැදවීමට කතානායකවරයා ගත් තීරණය නීති විරෝධී යැයි ප්‍රකාශ කරන මෙන් ඉල්ලා රියර් අද්මිරාල් සරත් වීරසේකර මහතා ඉදිරිපත් කළ පෙත්සම ලබන මස 04 වැනිදා කැදවීමට ශ්‍රේෂ්ඨාධිකරණය අද තීරණ කෙරිණ.

ජනාධිපතිවරයා විසින් පාර්ලිමේන්තුව විසුරුවා හැරීම නීතිවිරෝධී යැයි ප්‍රකාශ කරන මෙන් ඉල්ලා ගොනු කර තිබෙන මූලික අයිතිවාසිකම් පෙත්සම් විනිසුරුවරු පස් දෙනෙකු හෝ ඊට වැඩි සංඛ්‍යාවකින් යුතු විනිසුරු මඩුල්ලක් හමුවේ විභාගයට ගන්නා ලෙස ඉල්ලා ශ්‍රේෂ්ඨාධිකරණයට ඉල්ලීමක් ඉදිරිපත් වී තිබේ.

හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් මහතා ඇතුළු විත්තිකරුවන් හතර දෙනාට එරෙහිව නීතිපතිවරයා විසින් ගොනු කර ඇති නඩුව හෙට සිට දිනපතා විභාගයට ගන්නා බව කොළඹ ත්‍රිපුද්ගල විශේෂ මහාධිකරණය නියම කෙරිණ.