Up Date - හිටපු අගමැති රනිල් වික්‍රමසිංහ මහතාට විශ්වාසය පළ කිරීමේ යෝජනා ඡන්ද 117 කින් සම්මතවී තිබේ. මෙම යෝජනාවට එක්සත් ජාතික පෙරමුණේ සහ දෙමළ ජාතික සංධානයේ මන්ත්‍රීවරුන් පක්ෂව ඡන්දය ලබා දුන්නේය. ජනතා විමුක්ති පෙරමුණ ඡන්දය ලබාදිමෙන් වැලකී සිටියේය.  

හිටපු අගමැති රනිල් වික්‍රමසිංහ මහතාට විශ්වාසය පළ කිරීමේ යෝජනාව, එක්සත් ජාතික පක්ෂයේ නියෝජ්‍ය නායක සජිත් ප්‍රේමදාස මහතා විසින් අද පාර්ලිමේන්තුවට ඉදිරිපත් කෙරිණ. සජිත් ප්‍රේමදසා මන්ත්‍රීවරයා ඉදිරිපත් කළ යෝජනාව පාර්ලිමේන්තු මන්ත්‍රී මංගල සමරවීර මහතා විසින් ස්ථීර කරනු ලැබීය.  එක්සත් ජනතා නිදහස් සන්ධානයේ මන්ත්‍රීවරුන් අද (12) පාර්ලිමේන්තු සභා වාරය වර්ජනය කලේය. 

එක්සත් ජාතික පෙරමුණේ, ජනතා විමුක්ති පෙරමුණේ සහ දෙමළ ජාතික සන්ධානයේ මන්ත්‍රීවරු අද සභාවාරයට සහභාගි වුහ.

පාර්ලිමේන්තුව ලබන අඟහරුවාද (12/18) දක්වා කල් තැබිණ.