ගතවූ පැය 24 තුළ ලෝකය පුරා නව කොරෝනා රෝගීන් 106,000 ක් වාර්තා වී ඇති බව ලෝක සෞඛ්‍ය සංවිධානය පවසයි. විදෙස් මාධ්‍ය වාර්තා කරන්නේ එය වෛරස ව්‍යාප්තිය ආරම්භයේ සිට මෙතෙක් දිනක් තුළ වාර්තා වූ වැඩිම කොරෝනා ආසාදිතයින් සංඛ්‍යාව ලෙසයි.

කොරෝනා වෛරසය පළමුවෙන් වාර්තා වූ රටවන චීනයෙන් අද නව ආසාදිතයන් 06 දෙනෙකු සොයා ගෙන තිබේ.

ප්‍රංශ යේ මේ වනවිට වාර්තා වී ඇති කොරෝනා වෛරස් ආසාදිතයන්ගේ සංඛ්‍යාව 179,927ක්.

කොරෝනා වෛරසය හේතුවෙන් ගත වූ පැය 24 තුළ අමෙරිකාවේ 1,003ක් මියගොස් තිබේ.

මෙක්සිකෝවේ, මෙක්සිකෝ සිටි හි පිහිටා ඇති වෙළෙඳ සංකීර්ණය මේ වනවිට කොරෝනා වෛරසය පැතිරීමේ අධි අවදානමක් සහිත ප්‍රදේශයක් ලෙස නම් කර තිබේ.

දකුණු අප්‍රිකාවේ කොරෝනා වෛරසය හේතුවෙන් අසරණ වූ ජනතාව ආධාර ලබාගැනීමට කිලෝ මීටර් ගණනාවක් දිගු පෝලිම්වල රැස්ව සිටියේය.

අමෙරිකාවේ කොරෝනා වෛරසය හේතුවෙන් ඇති වූ ආර්ථික අවපාතය 2021 වසර අවසාන වනතෙක් පවතින ඇති බවට එරට රාජ්‍ය භාණ්ඩාගාර ප්‍රධානියා අනතුරු අඟවයි.

බ්‍රසීලයේ, සාවෝ පෝලෝ නගරයේ සෞඛ්‍ය සේවය කඩා වැටීමට ආසන්න බව, එරට සෞඛ්‍ය බලධාරීන් අනතුරු අඟවයි.

ස්විට්සර්ලන්තය, ජර්මනිය හා ඔස්ට්‍රියාව අතර දේශසීමා සඳහා පැනවූ සංචරණ තහනම් නීති ලිහිල් කිරීමට පියවර ගැණින.