දැනට ආරම්භ කර ඇති පාසල්වල සිසුන්ගේ පැමිණීම 70% ඉක්මවා වාර්තා වූ බව ද අධ්‍යාපන ලේකම්වරයා පෙන්වා දුන් අතර, දරුවන්ගේ අධ්‍යාපනය ඉහළ නැංවීම වෙනුවෙන් පාසල් මට්ටමින් ක්‍රියාත්මක වන විෂය සම්මන්ත්‍රණ, සාකච්ඡා, සෞඛ්‍ය ප්‍රවර්ධන වැඩසටහන් ආදිය පැවැත්වීමට කිසිදු තහනමක් නොවන බව ද අවධාරණය කළේය.
පාසල් දරුවන් යොදා ගනිමින් සංදර්ශන හා පෙළපාළි පවත්වන බවට පාසල් කිහිපයක් සම්බන්ධයෙන් ලැබුණු තොරතුරු අනුව, සෞඛ්‍යාරක්ෂාව සම්බන්ධයෙන් රට තුළ පවත්නා තත්වය සැලකිල්ලට ගෙන අධ්‍යාපන අමාත්‍යාංශය මෙම තීරණය ගත් බව ද ලේකම්වරයා වැඩිදුරටත් පෙන්වා දුන්නේය.
