විශ්වවිද්‍යාල ප්‍රතිපාදන කොමිෂන් සභාවේ සභාපති, ජ්‍යෙෂ්ඨ මහාචාර්ය සම්පත් අමරතුංග මහතා මාධ්‍ය හමුවකදී මේ බව කියා සිටියා. මෙවර විශ්වවිද්‍යාලය සඳහා සුදුසුකම් ලබා ඇති සිසුන් සංඛ්‍යාව 41,510ක්. ඒ අනුව තේරී පත්වූ සිසුන් අධ්‍යයන පාඨමාලා 130ක් සඳහා තෝරා ගැනෙනවා.

admission.ugc.ac.lk ලිපිනයට පිවිසි දරුවන්ට තම ප්‍රතිඵල දැනගත හැකියි. විශ්වවිද්‍යාල ප්‍රතිපාදන කොමිෂන් සභාවේ තොරතුරු මධ්‍යස්ථානයේ 0112-695301/ 0112-695302/ 0112-692357/ 0112-675854 යන දුරකතන අංකවලින් ද සිසුන්ට වැඩි විස්තර ලබාගත හැකියි.

රාජ්‍ය සේවා තොරතුරු කේන්ද්‍රයේ 1919 අංකය ඇමතීමෙන් හෝ UGC හිස්තැනක් විභාගය අංකය යොදා කෙටි පණිවුඩයක් යැවීමෙන් ද දරුවන්ට වැඩි විස්තර ලබාගැනීමේ අවස්ථාව හිමිවනවා.

මෙවර විශ්වවිද්‍යාල ප්‍රවේශය හිමිකරගත් සිසු-සිසුවියන් සඳහා නිවෙස් සිට ඉංග්‍රීසි පාඨමාලා හැදෑරීමට හිමිවීම විශේෂත්වයක්. ඒ සඳහා දැනටමත් විශ්වවිද්‍යාල ප්‍රතිපාදන කොමිෂන් සභාව සියලු කටයුතු සම්පාදනය කර ඇතැයි විශ්වවිද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය සම්පත් අමරතුංග මහතා පවසනවා.