විශේෂඥ වෛද්‍යවරයා මේ බව සඳහන් කළේ ඊයේ (05 වැනිදා) සෞඛ්‍ය ප්‍රවර්ධන කාර්යාංශයේදී පැවැති මාධ්‍ය හමුවක් අමතමිනි.
එහිදී වැඩිදුරටත් අදහස් දැක්වූ ඔහු මෙසේද පැවසීය.
‘‘ඕනෑම මෙහොතක කොවිඩ් – 19 වයිසරය සාමාන්‍යය සමාජයට නිරාවරණය වීමේ අවදානමක් තිබිණ.
මෙතෙක් කාලයක් කොවිඩ් ආවේ පොකුරු විදියට.
විශාලම පොකුරු වාර්තා වුණේ වැලිසර නාවික කඳවුරෙන් සහ කන්දකාඩු පුනරුත්ථාපන මධ්‍යස්ථානයෙන්.
නමුත් ඒ අවස්ථා පාලනය කරන්න හැකි වුණේ ඒවා සංවෘත ස්ථාන වූ නිසා.
ඇඟලුම් ආයතනයත් පොකුරක් ලෙස සැලකිය හැකියි.
නමුත් ඔවුන් නිවෙස්වල සිට ඒ ආයතනයට ගිය පුද්ගලයන්.
මේ ආයතනයේ දිවයිනේ විවිධ ප්‍රදේශවල පුද්ගලයන් සේවය කරනවා.
දිගු සතිඅන්ත නිවාඩුව නිසා ඒ අය ගෙවල්වලට ගිහිල්ලා තියෙනවා.
