මෙම තරුණයන් දෙදෙනා සහ තවත් තරුණයෙකු පසුගියදා දියනෑමට එම ප්‍රදේශයට ගොස් ඇතැයි පොලිසිය පවසයි. තරුණයන් තිදෙනාම දිය ඇල්ලෙන් පහළට වැටුණු අතර, දෙදෙනෙක් අතුරුදන් වූහ. අනෙක් පුද්ගලයා තුවාල ලබා බණ්ඩාරවෙල රෝහලට ඇතුළත් කෙරිණ.

මියගිය තරුණයන් දෙදෙනා බණ්ඩාරවෙල, හීල්ඔය සහ වැලිමඩ, කැප්පෙටිපොළ ප්‍රදේශයේ පදිංචිකරුවෝ වෙති. ඔවුන් අවුරුදු 19 සහ 20 යන වයස්වල පසුවන්නන් බව පොලිසිය පවසයි. එක් අයෙකු මෙවර අපොස උසස් පෙළ විභාගයට පෙනී සිට ප්‍රතිඵල අපේක්‍ෂාවෙන් සිටි අයෙකි.

ඔවුන් දෙදෙනාගේ සිරුරු සොයා ගනු ලැබුවේ, අම්පාර ඔල්විල් නාවික හමුදා කඳවුරේ කිමිඳුම් හා ගලවා ගැනීමේ ඒකකයේ නිලධාරීන් පිරිසක් විසිනි. තරුණයන් “සෙල්ෆි“ ඡායාරූප ගැනීමට යාමේදී පය ලිස්සීම අනතුරට හේතුවයි.

ක්ෂණික කෙටි පණිවුඩ සේවාව සඳහා RuAlerts සමග එක්වන්න...